Aðeins einn gígur er enn virkur í eldgosinu á Sundhnúkagígaröðinni. Þetta staðfestir Böðvar Sveinsson, náttúruvársérfræðingur á Veðurstofu Íslands, í samtali við mbl.is. 

Dróna var flogið yfir svæðið í gærkvöldi og sást þá engin virkni í öðrum gígnum af tveimur. 

Böðvar segir að virknin í gígnum, sem enn lifir, sé enn stöðug og sama megi segja um hraunrennsli. 

Lítil gasmengun mældist yfir Grindavík, að sögn Böðvars.  „En ekkert hættulegt.“

Böðvar segir að ekki sé útlit fyrir að vindáttin snúist svo að gasmengun leggist yfir Bláa lónið sem var opnað í dag. 

Frétt af mbl.is

Opna Bláa lónið en enn er ógn af gasmengun

Tengdar fréttir

Eldvirkni á Reykjanesskaga

Áframhaldandi skjálftavirkni við Svartsengi

• Rólegt á vakt Veðurstofunnar
• Lengsta lota kvikusöfnunar frá upphafi atburðanna
• Kostnaðurinn nemur allt að þremur milljörðum
• Fannari líst ágætlega á aðgerðirnar

» Fleiri tengdar fréttir

• Blogga um frétt