Sigmundur: Rangt að hækka vsk á matvæli
Setja bókamerki
Tengdar fréttir
Ríkisstjórn Framsóknar- og Sjálfstæðisflokks
Sigmundur Davíð Gunnlaugsson forsætisráðherra sagði í ágúst árið 2011 að tillögur um hækkun virðisaukaskatts á matvæli væru skelfilegar fréttir. Þetta kemur fram í grein sem Sigmundur birti á heimasíðu sinni í 8. ágúst 2011, en RÚV vakti fyrst athygli á málinu í dag.
„Að hækka virðisaukaskatt á matvæli í þeirri stöðu sem nú ríkir er hrein aðför að láglaunafólki. Þetta er rangt og þetta verður að stöðva.
Ef af slíkum skattahækkunum verður er algerlega ljóst að fyrsta verk Framsóknar í ríkisstjórn verður að afnema þær,“ skrifaði Sigmundur Davíð fyrir þremur árum.
Í fjárlagafrumvarpi næsta árs, sem Bjarni Benediktsson fjármálaráðherra kynnti í gær, kemur fram að efra virðisaukaskattsþrepið verði lækkað úr 25,5% í 24%, sem er hinn almenni virðisaukaskattur sem lagður er á flestar vörur. Þar segir jafnframt, að lægra þrepið verði hækkað úr 7% í 12%. Við það munu matvæli hækka í verði ásamt gistingu, fjölmiðlum, bókum og plötum, svo helstu dæmi séu nefnd.
Tengdar fréttir
Ríkisstjórn Framsóknar- og Sjálfstæðisflokks
Komu á stórum gaffallyftara
Þyrla kölluð út vegna umferðarslyss
Blinken kominn til Úkraínu – Rússar herða sókn
Vilja selja fyrir tæpa 13 milljarða í Íslandshótelum
„Ekki við hæfi að blanda sér í umræðu um ritstjórn RÚV“
Sundagöng koma einnig til greina