Gefin hefur verið út handtökuskipun á hendur vitni sem gefa átti skýrslu við aðalmeðferð í skotárásarmáli sem fram fer í Héraðsdómi Reykjavíkur. Upphaflega átti vitnið að mæta í gær en lét ekki sjá sig, gefin var út skrifleg kvaðning og vitninu afhent hún síðdegis í gær. Engu að síður var það ekki sjáanlegt í morgun.

Aðalmeðferðin í málinu hófst í gær og stendur til að ljúka henni í dag. Um er að ræða þrjá menn, Axel Már Smith, Kristján Halldór Jensson og Tómas Pálsson Eyþórsson, sem allir eru ákærðir fyrir tilraun til manndráps með því að hafa að kvöldi föstudagsins 18. nóvember 2011 farið saman á bifreið á bifreiðastæði við bifreiðasöluna Höfðahöllina að Tangarbryggju 14 í Reykjavík, þar sem þeir höfðu mælt sér mót við mann vegna ágreinings um fjárskuld.

Sökum þess að vitnið mætti ekki í morgun hefur lögregla verið send af stað til að leita að því og færa fyrir dóminn. 

Tengdar fréttir

Skotárás í Bryggjuhverfinu

Sakborningur í skotárásarmáli fær bætur

• Dómur þyngdur yfir skotárásarmanni
• Skotárásarmaður áfrýjaði dómi
• Sýknaðir af manndrápstilraun
• Dæmdir fyrir skotárás

» Fleiri tengdar fréttir

• Blogga um frétt