Fyrsti sigur Haley kom í Washington DC
Setja bókamerki
Nikki Haley bar sigur úr býtum í forvali Repúblikanaflokksins í Washington DC í nótt.
Þetta var fyrsti sigur hennar í kapphlaupinu við Donald Trump, fyrrverandi forseta, um hvaða frambjóðandi Repúblikana mun etja kappi við Joe Biden Bandaríkjaforseta í forsetakosningunum í haust.
Sigur Haley í höfuðborg Bandaríkjanna þykir táknrænn og kemur rétt fyrir ofur-þriðjudaginn svokallaða þar sem íbúar 15 ríkja og eins svæðis kjósa í forvalinu.
Demókratar hafa lengi haft yfirburði í Washington DC og eru aðeins um 22 þúsund skráðir Repúblikanar þar, að sögn CNN.
Haley vann 63 prósent atkvæða í forvalinu, sem var haldið á aðeins einum stað, eða á hóteli í miðbænum, að sögn Politico.
Í forsetakosningunum árið 2020 hlaut Biden 92% atkvæða í Washington DC.
Búist er við því að að loknum ofur-þriðjudeginum verði Trump aðeins hársbreidd frá því að tryggja sér tilnefningu Repúblikanaflokksins vegna forsetakosninganna.
Að sama skapi er litið á daginn sem síðasta alvöru tækifærið fyrir Haley að velgja Trump undir uggum í forvalinu.
Húsnæðisstuðningur framlengdur til áramóta
Myndskeið: Hátt í 140 lömb á tveimur sólarhringum
Þakklátur Kínverjum fyrir friðarumleitanir
Rannsaka drómasýki í hestum
Kostnaðurinn nemur allt að þremur milljörðum