Dregur framboð til baka 5 dögum fyrir kosningar
Setja bókamerki
Chris Christie, fyrrverandi ríkisstjóri New Jersey, hefur dregið framboð sitt til baka í forvali Repúblikana í baráttunni um forsetatilnefningu flokksins. Þetta staðfesti hann á kosningafundi í New Hampshire-ríki rétt í þessu.
Chris Christie gagnrýndi Donald Trump, fyrrverandi Bandaríkjaforseta, mikið í framboði sínu en hlaut lítinn hljómgrunn meðal flokksfélaga sinna.
Trump ber enn höfuð og herðar yfir aðra mótframbjóðendur í fylgiskönnunum en Nikki Haley, fyrrverandi ríkisstjóri Suður-Karólínuríkis, hefur þó sótt í sig veðrið síðustu vikur.
Trump með mikið forskot
Trump mælist á landsvísu með rúmlega 62% fylgi í forvali Repúblikana samkvæmt Real Clear Politics og er með rétt rúmlega 50% forskot á Nikki Haley og Ron DeSantis, ríkisstjóra Flórída. Í ríkjunum sem kosið verður fyrst í í forvalinu er munurinn þó minni.
Forval Repúblikana byrjar 15. Janúar í Iowa-ríki og 23. janúar er kosið í New Hampshire.
Spurningin er núna hvert fylgi Christie fer en í New Hampshire, annað ríkið sem Repúblikanar kjósa í, hefur Christie mælst með um 12% fylgi.
Í því ríki er Donald Trump með rúmlega 13% forskot á Haley. Bæði Christie og Haley eru frjálslyndari en frambjóðendur eins og Donald Trump og Ron DeSantis og því líkur á því að fylgi Christie fari að hluta til Nikki Haley.
Í kvöld takast Nikki Haley og Ron DeSantis á í kappræðum hjá CNN en Donald Trump hefur hingað til ekki mætt í kappræður.
Fannari líst ágætlega á aðgerðirnar
„Trúlega rákumst við saman“
Húsnæðisstuðningur framlengdur til áramóta
Segir forseta þingsins segja ósatt frá fundinum
Kostnaðurinn nemur allt að þremur milljörðum
Rannsaka drómasýki í hestum
„Hann var lokaður inni í bátnum“
Myndskeið: Hátt í 140 lömb á tveimur sólarhringum