Klámmyndaleikarinn Ron Jeremy hefur verið lýstur vanhæfur til þess að sitja réttarhöld vegna kynferðisbrota sem hann hefur verið kærður fyrir.

BBC greinir frá. 

Jeremy var ákærður fyrir í 34 liðum fyrir kynferðisafbrot, þar af tólf nauðganir, yfir tuttugu ára tímabil. 

Frétt af mbl.is

Ákærður fyrir að brjóta á yfir 20 konum

Dómari í Los Angeles tilkynnti í dag að Jeremy gæti ekki talist hæfur til að sitja undir málsmeðferð vegna „ólæknanlegrar taugavitrænnar hrörnunar“.

Jeremy sem er 69 ára hefur setið í fangelsi frá árinu 2020. Hann neitaði ávallt sök og hét því að hreinsa mannorð sitt. Hann var ekki viðstaddur þinghald málsins í dag.

Ron Jeremy heitir réttu nafni Ronald Hyatt og hlaut frægð á áttunda áratug síðustu aldar þegar klámstjörnuferill hans tókst á loft.