Búið spil hjá Pippen og Jordan
Setja bókamerki
Raunveruleikastjarnan Larsa Pippen og Marcus Jordan, sonur körfuboltagoðsagnarinnar Michael Jordan, eru sögð skilin að skiptum eftir rúmlega eins árs samband. Jordan, 32 ára, og Pippen, 48 ára, byrjuðu að slá sér upp í desember 2022.
Pippen, sem þekktust er fyrir þátttöku sína í raunveruleikaþættinum The Real Housewives of Miami, ýtti undir sögusagnir um að parið væri hætt saman síðustu helgi. Hún hætti meðal annars að fylgja Jordan á samfélagsmiðlum og fjarlægði einnig allar myndir af honum, en Pippen hafði verið mjög iðin við að skrásetja ást parsins á Instagram.
Hún birti einnig skoðanakönnun á Instagram Story og spurði: „Eiga vinir þínir að hætta að fylgja fyrrverandi maka þínum?“
Faðir Jordan, einn þekktasti körfuboltamaður sögunnar og fyrrverandi leikmaður Chicago Bulls, hafði verið allt annað en sáttur með samband sonar síns og raunveruleikastjörnunnar, en 16 ára aldursmunur er á þeim. Pippen er einnig fyrrverandi eiginkona Scottie Pippen, fyrrverandi liðsfélaga Jordan og vinar.
„Grindavík hefði varla verið til eftir þennan dag“
Flæðir yfir Grindavíkurveg á tveimur stöðum
Kröftugar sprengingar við Hagafell: Myndskeið
Fá hjálp við að takast á við lífið eftir fangelsi
Mengunin berst í austur
Myndir: Virknin einangruð við sex gosop
Gossprungan um 2,5 km löng
Rennur í átt að stofnlögnum: Rafmagn tekið af