Á dögunum kom á markað árstíðabundin vara í verslanir víðs vegar um Bandaríkin. Varan er frá The Hershey Company sem hefur verið leiðandi sælgætisframleiðandi til fjölda ára. Um er að ræða bleikt súkkulaðihjarta þar sem Valentínusardagurinn er rétt handan við hornið.

Kærleiksríki súkkulaðimolinn hefur vakið mikinn áhuga og hlotið mikla umfjöllun á samfélagsmiðlum þar sem flestir sjá allt annað en hjarta. 

Bleiki súkkulaðimolinn, sem fæst einnig með hvítu súkkulaði og mjólkursúkkulaði, er sagður líkjast pung, það er þegar honum hefur verið snúið á hvolf.

Netverjar hafa margir birt myndir af sælgætinu og gantast. 

„Reese´s hélt að þessi bleiku hjörtu yrðu sæt, en ég held að þetta sé ekki alveg að virka,“ skrifaði einn við færslu á samfélagsmiðlinum X. 

„Þessi bleiku Valentínusarhjörtu eru svo sannarlega...eitthvað,“ skrifaði annar. 

Tengdar fréttir

Ást

Lykillinn að farsælu ástarsambandi að búa í sitthvoru húsinu

• „Mér fannst þessi maður gjörsamlega óþolandi“
• Stórstjörnur gáfu út lag um Akureyri
• Neistinn slokknaður eftir þriggja mánaða hjónaband
• Trúlofaður ungu kærustunni í miðju skilnaðarferli

» Fleiri tengdar fréttir

• Blogga um frétt