Fékk fyrstu þrjár Emmy-tilnefningarnar á einu bretti
Setja bókamerki
Leikarinn Pedro Pascal fór á örskotsstundu úr því að vera leikari án Emmy-tilnefninga í að búa yfir þremur tilnefningum fyrir þrjú mismunandi hlutverk. Tilnefningar til Emmy-verðlaunanna voru tilkynntar í gær.
Pascal fær tilnefningu fyrir besta leik í aðalhlutverki í dramaþáttum fyrir hlutverk sitt í The Last of Us, fyrir besta gestahlutverk í gamanþáttum fyrir Saturday Night Live og fyrir bestu frásögn fyrir náttúrulífsþættina Patagonia: Life on the Edge of the World, sem framleidd var af CNN.
Emmy-verðlaunin verða afhent hinn 18. september en þó gæti yfirvofandi verkfall félaga í Screen Actors Guild haft áhrif á hátíðina. Ef leikarar verða enn í verkfalli í september ætla þeir að sniðganga verðlaunahátíðina og verður henni þá seinkað.
Rannsókn miðar vel
Skoða að taka upp gjaldskyldu á notkun nagladekkja
Urðu ekki vör við kvikuhlaup
Vænta þess að um tímabundið ástand sé að ræða
Guðmundur Fertram tilnefndur
Samþykkt kaup á fasteignum að virði 52 milljarða
Stóð á milli þess að greiða með eða skila auðu