Óskarshafar heimtuðu að gera íslenskt myndband
Setja bókamerki
Liðsmenn hljómsveitarinnar FM Belfast greina frá því á Facebook-síðu sinni að 19. október 2009 hafi þeim borist tölvupóstur frá manni sem haft hafi áhuga á að gera fyrir sveitina tónlistarmyndband ásamt félaga sínum. Kváðust þeir Belfast-menn þess albúnir, hins vegar væri þeim fjár vant.
Um það hafi þeir myndbandsgerðarmenn kært sig kollótta, hefðu þeir sagst framleiða myndbandið að kostnaðarlausu, það yrði þeirra fyrsta verkefni eftir útskrift þeirra úr kvikmyndaskóla. Hafi þeir gengið stíft eftir myndbandsgerðinni og sveitin að lokum fallist á.
„Í gærkvöldi unnu þessir tveir sjö Óskarsverðlaun fyrir kvikmyndina Everything Everywhere All at Once,“ segir svo í Facebook-færslu FM Belfast sem þar með ljóstrar því upp að fyrsta verkefni Óskarverðlaunahafanna nýbökuðu, Daniel Scheinert og Daniel Kwan, hafi verið tónlistarmyndband fyrir íslenska hljómsveit.
Urðu ekki vör við kvikuhlaup
Kortavelta ferðamanna dregst mikið saman
Ástand Ficos stöðugt en „mjög alvarlegt“
Stóð á milli þess að greiða með eða skila auðu
Aldraðir beittir ofbeldi
Þakklátur Kínverjum fyrir friðarumleitanir
Útlendingafrumvarpið á dagskrá á morgun
„Mjög miður að af þessu hljótist kostnaður“