Hildur aftur orðuð við Óskarsverðlaun
Setja bókamerki
Hildur Guðnadóttir tónskáld þykir líkleg til að verða tilnefnd til Óskarsverðlaunanna fyrir tónlistina í kvikmyndinni Tár sem frumsýnd var á kvikmyndahátíðinni í Feneyjum í gær. Leikkonan Kate Blanchett fer með aðalhlutverk og stóðu áhorfendur í sex mínútur og klöppuðu að frumsýningu lokinni í gær.
Todd Field leikstýrir Tár sem fjallar um þýskt tónskáld, Lydiu Tár.
Skyldi Hildur verða tilnefnd fyrir tónlistina yrði það ekki í fyrsta sinn, en hún vann Óskarsverðlaunin fyrir tónlistina í kvikmyndinni Jóker árið 2020. Auk þess vann hún til fjölda annarra verðlauna fyrir myndina sama ár og einnig fyrir þættina Chernobyl, sem hún hreppti Emmy-verðlaun fyrir.
Önnur kvikmynd sem Hildur samdi tónlistina fyrir, Women Talking, verður frumsýnd á kvikmyndahátíðinni í Telluride um helgina. Þykir tónlistin í þeirri mynd ekki síðri og er einnig talin geta hreppt Óskarstilnefningu.
Skoða að taka upp gjaldskyldu á notkun nagladekkja
Vænta þess að um tímabundið ástand sé að ræða
Þakklátur Kínverjum fyrir friðarumleitanir
Útlendingafrumvarpið á dagskrá á morgun
Samþykkt kaup á fasteignum að virði 52 milljarða
„Bíð bara eftir að það fari að gjósa aftur“
Ástand Ficos stöðugt en „mjög alvarlegt“
Flugvirki lagði ríkið endanlega