Segir West á hættulegri braut
Setja bókamerki
Spjallþáttastjórnandinn Trevor Noah segir það vera sorglegt að fylgjast með framferði fjöllistamannsins Kanye West á samfélagsmiðlum og í fjölmiðlum. Þetta er í annað sinn sem Noah tjáir sig um málefni West, en fyrr í vikunni ræddi hann um framgöngu hans gagnvart fyrrverandi eiginkonu hans Kim Kardashian.
Í kjölfarið beitti West sér gegn honum og hótaði honum í athugasemd undir færslu á Instagram. Síðar var West settur í tímabundið bann á Instagram, meðal annars vegna rasískra ummæla West.
Noah lofaði West og sagði hann hafa haft mikil áhrif á hann. „Ég hugsa öðruvísi um hvernig ég eyði peningunum mínum út af þér, ég lærði að vernda barnslegt hugmyndarflug mitt vegna þín. Fjandinn, ég brosi alltaf þegar ég spenni mig í bílbeltið vegna þín,“ sagði Noah.
Hann sagði það virkilega sorglegt að fylgjast með West. „Mér er sama þótt þú styðjir Trump og mér er alveg sama þó þú grillir Pete. Mér er hins vegar ekki sama þegar ég sé þig á þessari hættulegu braut,“ sagði Noah.
Hann hvatti hann til þess að læra muninn á að berjast fyrir fjölskyldunni sinni og að berjast við fjölskylduna sína. „Ég hef allt of oft lesið fyrirsagnir um karlmenn sem myrða fyrrverandi eiginkonur sínar, börnin sín, og svo sjálfa sig. Ég vil ekki lesa þá fyrirsögn um þig.“
Tímaspursmál hvenær framleiðslu verði hætt
Rannsaka drómasýki í hestum
Mennirnir í haldi lögreglunnar á Suðurnesjum
Kostnaðurinn nemur allt að þremur milljörðum
Telur að Rússar herði sókn sína í norðaustri
Húsnæðisstuðningur framlengdur til áramóta
14 til 17 milljarða kr. tap vegna skerðinga
Fannari líst ágætlega á aðgerðirnar