Talsmaður leikarans Davids Schwimmers segir leikarann ekki vera að hitta leikkonuna Jennifer Aniston. Sögusagnir fóru á kreik í fjölmiðlum um að fyrrverandi samstarfsfélagarnir væru farin að hittast eftir endurkomuþáttinn af Friends í vor. 

Talsmaður Schwimmers sagði í samtali við The Sun að ekkert væri til í þessum sögum. 

Frétt af mbl.is

Aniston og Schwimmer sögð vera að hittast

Vefurinn Closer greindi frá fréttunum fyrst og hafa allir stærstu miðlar heims vísað í heimild þeirra. Heimildamaður Closer sagði þau hafa orðið nánari eftir tökur á þættinum í vor og í kjölfarið farið að skiptast á skilaboðum. 

Var Schwimmer sagður hafa flogið frá New York til Los Angeles til að hitta Aniston og þau farið saman á vínekru í Santa Barbara. 

Aniston og Schwimmer léku saman í Friends frá 1994 til 2004 og áttu persónur þeirra í þáttunum í ástarsambandi. Í endurkomuþættinum í vor viðurkenndu þau bæði að hafa borið tilfinningar til hvors annars á mismunandi tímum. Bæði eru þau einhleyp um þessar mundir og gallharðir aðdáendur þáttanna beðið til ástargyðjanna að leiða hjörtu þeirra saman. Hvort þeir hafi hafi verið bænheyrðir er ekki vitað fyrir víst, en talsmaður Schwimmers tekur fyrir það.

Tengdar fréttir

Friends

Talaði við Perry um morguninn áður en hann dó

• Rachel minnist Chandler
• Huldukonan sem hitti Perry degi fyrir andlát hans
• Gerði grín að andláti Perry
• Perry lést á afmælisdegi fyrrverandi kærustu sinnar

» Fleiri tengdar fréttir

• Blogga um frétt