Vestfirsku stúlkurnar í hljómsveitinni Between Mountains sigruðu í Músíktilraunum á laugardaginn en þær búa í Súgandafirði og Dýrafirði. Þær Katla Vigdís Vernharðsdóttir og Ásrós Helga Guðmundsdóttir voru einnig valdar bestu söngvararnir í keppninni.
Atriði þeirra er hægt að sjá hér í heild sinni og er birt með góðfúslegu leyfi frá RÚV. Stelpurnar spila grípandi og melódísk popplög. Sviðsframkoman er tilgerðarlaus og skemmtileg og þær eiga augljóslega framtíðina fyrir sér í tónlistinni.
mbl.is óskar þeim innilega til hamingju.