Samstarfssamningur Hafró og NMSÍ undirritaður
Setja bókamerki
Þorsteinn Sigurðsson, forstjóri Hafrannsóknastofnunar, og Hilmar J. Malmquist, forstöðumaður Náttúruminjasafns Íslands, undirrituðu nýverið rammasamkomulag um samstarf stofnananna, en markmið samstarfsins er að stuðla að samstarfi fræðimanna og nemenda á vegum stofnananna um rannsóknir og miðlun á fræðasviðum sínum, að því er segir í tilkynningu á vef Hafrannsóknastofnunar.
Þar er undirritun samkomulagsins sögð mikilvægur liður í að styrkja tengsl stofnananna og er haft eftir Hilmari að tímasetningin hafi skipt Náttúruminjasafnið máli því unnið er nú að gerð grunnsýningar í nýjum höfuðstöðvum safnsins á Seltjarnarnesi, Náttúruhúsinu í Nesi, sem til stendur að opna um mitt ár 2025.
Þema sýningar mun vera hafið, eðli þess og gerð, með áherslu á líffræðilega fjölbreytni og vistfræði sem fellur eðli málsins samkvæmt vel að áherslum Hafrannsóknastofnunar. „Hin nýja aðstæða mun veita einstakt tækifæri varðandi miðlun og fræðslu á mikilvægi hafsins fyrir land og þjóð,“ segir í tilkynningunni.
Þá eru bundar vonir við samlegðaráhrif samstarfs stofnananna á sviði vísinda, menntunar og menningar.
Breytingar á skipulagi fréttadeildar RÚV
Ólíkt ákall fólks á landsbyggðinni
/frimg/1/29/32/1293273.jpg)
Ekki af baki dottinn og ætlar að opna B5 aftur
Þetta eru hjólaframkvæmdirnar sem unnið er að
Ók á ofsahraða á móti umferð og uppi á stétt
Þyngri refsing fyrir að nauðga stjúpdóttur æskuvinar
Forsetinn líti yfir axlirnar á þingheimi
Sennilega gróðureldur, ekki ný sprunga