32 sagt upp störfum í Stykkishólmi
Setja bókamerki
Öllum 32 starfsmönnum fiskvinnslufyrirtækisins Agustson ehf. í Stykkishólmi var sagt upp störfum frá og með mánaðamótum júní/júlí. Starfsmönnum var tilkynnt um ákvörðunina á starfsmannafundi í gær, segir Sigurður Ágústsson, einn eigenda fyrirtækisins, í samtali við 200 mílur.
Uppsagnirnar komu til vegna viðvarandi rekstrarerfiðleika og tapreksturs. Þá segir í tilkynningu vegna málsins að við taki „krefjandi endurskipulagningarferli með það að markmiði að tryggja sjálfbæran rekstur til lengri tíma“. Stefnt sé að því að halda úti rekstri en umsvifin verði smærri.
Ákvörðunin um að segja upp starfsfólkinu er sögð „óumflýjanleg miðað við núverandi rekstrarumhverfi þar sem smærri sjávarútvegsfyrirtæki hafa átt undir högg að sækja“. Vísað er til hækkandi rekstrarkostnaðar sem ekki hefur tekist að mæta með stærðarhagkvæmni auk þess sem boðaður 13% samdráttur í útgefnum aflaheimildum í þorski á næsta fiskveiðiári hafi komið niður á áætlaðri afkomu fyrirtækisins.
Samkvæmt ársreikningi fyrirtækisins fyrir árið 2019 skilaði fyrirtækið 92,6 milljóna króna tapi og 100,9 milljóna króna tapi 2018.
Framboð Viktors metið gilt
Stjórnvöld hafa tvo mánuði til að bregðast við
Sala dísil- og bensínbíla eykst
Einn handtekinn út af þjófnaðinum í Hamraborg
Telur loftslagsdóm MDE rangan
„Ættir þú ekki frekar að bjóða þig fram til Alþingis?“
Ekki tekið heiðarlegt samtal við ríkisstjórnarborðið
90% samþykktu verkfallsaðgerðir