Stjórn HB Granda fundar í dag
Guðmundur Kristjánsson, forstjóri HB Granda, er aðaleigandi Útgerðarfélags Reykjavíkur.
mbl.is/Kristinn Magnússon
Setja bókamerki
Stjórn HB Granda, sem hugðist funda síðastliðinn fimmtudag vegna bréfs frá framkvæmdastjóra Útgerðarfélags Reykjavíkur, frestaði fundinum. Verður hann þess í stað haldinn í dag, samkvæmt tilkynningu sem HB Grandi hefur sent kauphöllinni.
Í bréfi framkvæmdastjóra ÚR, sem er stærsti hluthafi HB Granda, er lýst yfir vilja til að hætta við sölu alls hlutafjár í Ögurvík ehf. til HB Granda, sem fyrirhuguð var samkvæmt samningi sem undirritaður var 7. september. Guðmundur Kristjánsson, forstjóri HB Granda, er aðaleigandi Útgerðarfélags Reykjavíkur.
Bréf framkvæmdastjórans kom í kjölfar þeirrar tillögu lífeyrissjóðsins Gildis, sem stórs hluthafa í HB Granda, að kaupin og skilmálar þeirra yrðu skoðuð nánar af óháðum aðila.
ÁTVR bíður eftir skýrari ramma
Hvenær birtast fyrstu tölur?
Brottfall karla mest á Íslandi
ICJ skipar Ísrael að stöðva innrásina í Rafah
Leit heldur áfram: „Ekkert nýtt“
Búast við eldgosi hvenær sem er
Sló börnin sín með hleðslusnúru
Mikilvægt að bankarnir taki niðurstöðunni alvarlega