Tuttugu hús teljast mikið skemmd
Kári Freyr Kristinsson
Setja bókamerki
Við getum sagt að þetta sé aðeins óvenjulegt miðað við það sem gerist í hefðbundnum jarðskjálftatjónum, þar sem það eru ekki jafn almennar skemmdir á húsum og gerist þá,“ segir Hulda Ragnheiður Árnadóttir, forstjóri Náttúruhamfaratryggingar Íslands, um ástandið í Grindavík.
Í þessu tilviki séu færri hús sem eru skemmd en mörg þeirra séu mjög mikið skemmd. Þau séu um tuttugu talsins.
„Það eru matsmenn á okkar vegum og oftast burðarþolssérfræðingar sem eru að meta ástand þessara húsa,“ segir Hulda. „Það eru flest hús með einhverjar skemmdir, sem við höfum skoðað, en óverulegar skemmdir á talsvert mörgum húsanna.“ Hún segir skemmdirnar ráðast mikið af því hvar húsin eru staðsett í bænum.
„Þetta eru nokkur sprungusvæði í bænum, en ekki bara þessi eina sprunga sem liggur í gegnum bæinn.“ Húsin sem standa næst sprungusvæðunum séu verst farin.