Konurnar syngja og dansa í Hörpu
Steinþór Guðbjartsson
Setja bókamerki
Kvennakór Reykjavíkur fagnar 30 ára starfsafmæli í ár og sérstakir afmælistónleikar verða í Hörpu kl. 16.00 á laugardag, 18. nóvember.
„Við höfum alltaf verið með flotta og glæsilega tónleika en það er ekki á hverjum degi sem við syngjum og dönsum í Hörpu,“ segir Ágota Joó, kórstjóri frá ársbyrjun 2010. „Við bjóðum upp á skemmtilega dagskrá fyrir eyru og augu.“
Um 50 til 60 konur eru í kórnum og taka 48 þeirra þátt í tónleikunum, þar sem Bergþór Pálsson verður kynnir. Ágota segir að efnisskráin verði mjög hátíðleg og í hátíðlegum búningi með frábærri hljómsveit undir stjórn Þórðar Magnússonar, og einsöngvara, Hallveigu Rúnarsdóttur sópran. Mikið verði lagt upp úr samspili sviðsetningar, söngs og dansatriða.
Boðið verður upp á fjölbreytta tónlist. „Við syngjum lög sem fólk þekkir og komum öllum í gott stuð,“ segir Ágota. Nefnir í því sambandi meðal annars drykkjulagið Libiamo úr óperunni La...