Fjöldadráp á íbúum Ísraels var markmiðið
Meginmarkmið árásar vígasamtaka Hamas var að myrða eins marga íbúa Ísraels og kostur var og valda útbreiddum ótta í samfélaginu. Þau mannrán á saklausu fólki sem fylgdu í kjölfar ódæðanna miklu voru skipulögð og eiga að flækja aðgerðir Ísraelshers (IDF) og styrkja samningsstöðu Hamas í hugsanlegum viðræðum. Vilji Ísraelsmenn nú taka yfir fulla stjórn á Gaza-svæðinu, verjast ógnum frá Vesturbakkanum, Líbanon og Sýrlandi blasir við langt og erfitt stríð. Átökin munu ekki einungis snerta sveitir IDF heldur mun efnahagur Ísraels skaðast líka.
Er þetta á meðal þess sem fram kemur í nýrri skýrslu Alþjóðahermálastofnunarinnar í Lundúnum (International Institute for Strategic Studies, IISS). Stofnunin er í hópi þeirra virtustu á heimsvísu.
Landhernaður IDF á Gaza-svæðinu getur leitt af sér tvenns konar niðurstöður, að sögn sérfræðinga IISS. Í báðum tilfellum væri um að ræða harða innrás þar sem hermenn IDF elta uppi, handsama eða drepa...