Framtíð rannsókna á vistheimilum óræð
Hólmfríður María Ragnhildardóttir
Setja bókamerki
Ill meðferð barna og unglinga á vöggustofum og vistheimilum á árum áður er svartur blettur í sögu okkar Íslendinga. Skýrslur sem m.a. vistheimilanefnd, Gæða- og eftirlitsstofnun velferðarmála og nú síðast nefnd um vöggustofur hafa unnið varpa skýru ljósi á það hvernig opinbert eftirlit brást hundruðum barna og unglinga í tugi ára.
Ómögulegt er að bæta fyrir það tjón sem fólk hefur hlotið af völdum vistar á þessum stofnunum og heimilum, og hafa fjölmargir látið lífið langt fyrir aldur fram. Stjórnvöld hafa þó brugðist við m.a. með úttektum á heimilunum og greiðslu sanngirnisbóta í kjölfarið.
Vilja hverfa frá rannsóknum
Samkvæmt gildandi forsetaúrskurði um skiptingu stjórnarmálefna fer dómsmálaráðuneytið með málefni sanngirnisbóta. Það gæti þó breyst á þessu kjörtímabili þar sem forsætisráðuneytið er með í smíðum frumvarp til almennra laga um sanngirnisbætur og hefur sett framlagningu þess á þingmálaskrá...