Í raforkulögum má lesa strax í fyrstu grein að markmið þeirra sé að stuðla að þjóðhagslega hagkvæmu raforkukerfi. Einnig kemur fram að tillit skuli tekið til umhverfissjónarmiða . Með skýrum hætti er markmið laganna skilgreint; raforkuflutningskerfi skulu vera umhverfisvæn og þjóðhagslega hagkvæm. Ekki bara annað hvort og ekki hvorugt.
Þrátt fyrir þetta ber Landsnet á borð almennings lausnir sem hvorki eru umhverfisvænar né þjóðhagslega hagkvæmar. Að auki – í stað þess að fylgja lögum og reglum – fer fyrirtækið ítrekað til dómstóla í tilraunum til að þröngva úr sér gengnum lausnum upp á almenning.
En svo er meira. Í raforkulögum er vísað í samkeppnislög (sem nálgast má beint með einum músarsmelli), væntanlega til að hnykkja á mikilvægi þeirra. Ekkert finnst þar um undanþágur sem Landsnet virðist álíta sig hafa. Samkeppnislög eru afar afgerandi:
...