Halla Hrund Logadóttir forsetaframbjóðandi hefur boðað komu sína í næsta þátt af Spursmálum undir stjórn Stefáns Einars Stefánssonar.

Viðburðir í tilefni verkalýðsdagsins í dag munu hafa töluverð áhrif á vegfarendur á miðborgarsvæðinu og í Vesturbænum.

Gerð verður breyting á aðalskipulagi Reykjavíkur svo hægt verði að breyta verslunarplássi í Skerjafirði í íbúð. Það telst til tíðinda að aðalskipulagi sé breytt fyrir eina eign.

Alls munu 8,5 milljónir gesta fara um Keflavíkurflugvöll í sumar, samkvæmt farþegaspá Isavia.

Nýsköpunarfyrirtækið Alda öryggi býður nú íslenskum smábátasjómönnum sérhannað öryggisstjórnunarkerfi fyrir smábáta endurgjaldslaust. Um er að ræða lausn sem nútímavæðir, auðveldar og einfaldar allt utanumhald öryggismála hjá smábátasjómönnum á stafrænan máta.

Karlmaður var dæmdur til 16 mánaða fangelsisvistar í Héraðsdómi Reykjaness í gær fyrir stórfellt fíkniefnalagabrot með því að hafa staðið að innflutningi á tæplega 700 grömmum af kókaíni ætluð til söludreifingar hér á landi í ágóðaskyni.

„Þetta er hörkufín lóð og við ætlum að sjá hvað við getum gert þarna,“ segir Þór Sigurgeirsson, bæjarstjóri á Seltjarnarnesi.

„Það má byrja að róa 2. maí og það verður sjósett á morgun,“ segir Sr. Karl V. Matthíasson, fyrrverandi alþingismaður, prestur og trillukarl, og tilhlökkunin leynir sér ekki í röddinni.

Grunur er um að reynt hafi verið að koma lituðum peningum í umferð sem tengjast þjófnaðinum á 20 til 30 milljónum króna í Hamraborg í Kópavogi í lok mars.

Engar breytingar hafa orðið á eldgosinu í Sundhnúkagígum frá því í gær. „Nei, ekki ennþá en við höldum áfram að fylgjast með,” segir Lovísa Mjöll Guðmundsdóttir, náttúruvársérfræðingur hjá Veðurstofu Íslands, spurð hvort krafturinn í gosinu hafi aukist eins og talið hefur verið líklegt.

Alls voru 97 mál afgreidd hjá lögreglunni á höfuðborgarsvæðinu frá klukkan 17 í gær til klukkan 5 í morgun.

Í dag verður fremur hæg breytileg átt og bjart með köflum. Sunnan 3 til 8 metrar á sekúndu verða og dálítil væta vestanlands seint í kvöld.

Hörður Guðbrandsson, formaður Verkalýðsfélags Grindavíkur, segir í samtali við Morgunblaðið í dag að samtök launafólks hafi líklega aldrei verið mikilvægari en nú.

Atvinnuveganefnd Alþingis ræddi á fundi sínum í gær hugmyndir um að binda rekstrarleyfi fyrirtækja í sjókvíaeldi við 16 ár.

„Þessar tölur eru til marks um harðnandi umhverfi í löggæslu. Við höfum verulegar áhyggjur af þessu,“ segir Páley Borgþórsdóttir, lögreglustjóri á Norðurlandi eystra. Líkt og kom fram í Morgunblaðinu á dögunum hefur brotum gegn starfsmönnum lögreglu og héraðssaksóknara fjölgað mikið á síðustu árum.

Forsetaframbjóðendur eru nú á ferð og flugi um landið eins og vera ber.

Ragnhildur Hjaltadóttir, fyrrum ráðuneytisstjóri í innviðaráðuneytinu, er nýr stjórnarformaður Betri samgangna. Fyrirtækið fjárfesti í samgönguinnviðum fyrir 3,5 milljarða og var rekstrarniðurstaða fyrirtækisins jákvæð um 103 milljónir.

Svokallaðar þolendakannanir sem framkvæmdar eru af lögregluembættum leiða í ljós að einungis 10-12 prósent kynferðisbrota eru tilkynnt til lögreglu.

Nokkur erill var hjá slökkviliðinu á höfuðborg­ar­svæðinu seinni partinn í dag en fyrr í kvöld barst tilkynning um vonda lykt sem kæmi upp úr niðurföllum í Laugardalnum.

Sara Dögg Svanhildardóttir hefur mikinn áhuga á að bæta hag fatlaðra á vinnumarkaði. Nýtt nám sem hefst í haust mun stórbæta tækifærin fyrir fatlað fólk.