„Þetta er merkur atburður, þessi skjálftavirkni núna er meiri en við höfum séð svona í daglegum rekstri Bárðarbungu,“ segir Páll Einarsson, prófessor emeritus í jarðeðlisfræði við Háskóla Íslands, í samtali við Morgunblaðið um öfluga skjálftahrinu sem hófst í Bárðarbungu í gærmorgun og kveður svo rammt að, að annað eins hefur ekki mælst síðan í aðdraganda Holuhraunsgossins árið 2014.

Upp úr fjögur í nótt voru björgunarsveitir í Borgarfirði kallaðar út vegna tilkynningar frá ferðamönnum í vandræðum við Kattarhryggi, á leið upp á Holtavörðuheiði.

„Það má líkja þessu við faraldur sem hefur staðið yfir í eitt ár. Fyrir ári fór ég einu sinni í viku í útkall út af veggjalús en í dag er ég kallaður út fimm til sjö sinnum í viku,“ segir Steinar Smári Guðbergsson, meindýraeyðir hjá Meindýraeyði Íslands.

„Við erum á upphafsstigum verkefnisins. Það þarf að byrja á að skoða málið og afla gagna, átta sig á því hvar þau gögn er að finna og svo að kynna sér þau. Svo vindur þessu fram eins og gögn og rannsóknarefni gefa tilefni til,“ segir Finnur Þór Vilhjálmsson, formaður rannsóknarnefndar um snjóflóðið í Súðavík.

Anton Már Egilsson, forstjóri netöryggisfyrirtækisins Syndis, segir að tugprósenta vöxtur hafi verið í tilraunum til netárása á síðasta ári. Fyrirtækið greindi rúmlega 30.000 tilraunir til netárása og misnotkunar á kerfum árið 2024. Anton segir þróunina hringja viðvörunarbjöllum.

Holtavörðuheiði er lokuð vegna mikils vatns á veginum og búast má við að lokunin vari til kl. 8:30 – 9:00.

Lögregla kölluð til vegna umferðarslyss þar sem ekið hafði verið á gangandi vegfaranda. Ekki er vitað um meiðsli en vegfarandinn var með meðvitund og eðlilega öndun þegar lögreglu bar að garði.