Ný gámabyggð á bílaplaninu við Vörðuskóla í Reykjavík hefur eflaust ekki farið fram hjá glöggum vegfarendum um Barónsstíg en þar verður leikskólinn Ævintýraborg opnaður síðar á þessu ári.

Hægagangur er í kjaraviðræðum BSRB við ríkið, Samband íslenskra sveitarfélaga og Reykjavíkurborg um endurnýjun kjarasamninga. Flestir samningar á opinbera markaðinum runnu út í lok mars. „Okkar vonir stóðu til þess að við yrðum löngu búin að þessu,“ segir Sonja Ýr Þorbergsdóttir formaður BSRB.

Guðmundur H. Garðarsson fv. alþingismaður lést á Hjúkunarheimilinu Sóltúni aðfaranótt 18. apríl, 95 ára að aldri.

Upp úr klukkan 15 í dag er snjókomu og 10-13 m/s spáð á Hellisheiði og í Þrengslum. Í kvöld lægir og hlánar.

Elmar Erlendsson, framkvæmdastjóri húsnæðissviðs Húsnæðis- og mannvirkjastofnunar, HMS, segir að byrjað hafi verið að byggja mun færri íbúðir á höfuðborgarsvæðinu í fyrra en sveitarfélögin hafi stefnt að.

„Fólkið vantar pening núna, það er að missa eignirnar núna, keðjurnar eru að slitna núna. Ríkið á Landsbankann. Af hverju getur Landsbankinn ekki brúað bilið í kannski fimm vikur svo að fólk sé ekki heimilislaust?“ spyr fasteignasali í samtali við Morgunblaðið.

„Ég er náttúrulega í smá sjokki að þetta hafi gerst hér þar sem maður er umkringdur húsum og ekki meira en tíu skref að svefnherbergjum fjölda fólks,“ segir Kristofer Thor Deaton í samtali við mbl.is en hann varð fyrir þeirri óskemmtilegu reynslu að brotist var inn í færleik hans við Hellisgötu í Hafnarfirði aðfaranótt mánudags.

Kjarnorkuknúinn bandarískur kafbátur, USS New Hampshire, var í stuttri þjónustuheimsókn í íslensku landhelginni í dag.

Um 300 manns mættu á fund í Rokksafni Íslands í Hljómahöllinni í Reykjanesbæ í kvöld en yfirskrift fundarins var, Verndum Hljómahöllina. Þar var lokun Rokksafnsins mótmælt.

Vegna eldsumbrotanna á Reykjanesskaga hefur verið ákveðið að hefja tilraunaboranir eftir heitu vatni á Suðurnesjum. Hefur Kadeco, þróunarfélag Keflavíkurflugvallar, veitt heimild til að bora á nærsvæðum flugvallarins í Keflavík.

Það er mat skipulagsfulltrúa að Tollhúsið í Kvosinni sé á meðal glæsilegustu bygginga Reykjavíkur. Það beri að sýna byggingunni sérstaka virðingu og eins meta tign hennar og fegurð í borgarinnréttingunni til hlítar verði farið í að umbreyta henni eftir þörfum Listaháskólans. Gísli Halldórsson arkitekt teiknaði húsið.

„Þetta er hressileg törn og dagarnir eru oft langir,“ segir Þórður Þrastarson á dekkjaverkstæði Kletts við Hátún í Reykjavík. Frá og með 15. apríl eru negld vetrardekk undir bílum bönnuð, en lögregla horfir þó til aðstæðna og ökumenn hafa svigrúm til dekkjaskipta eitthvað fram á vorið.

Kostnaðurinn við keyptar auglýsingar á Facebook mun líklega rjúka upp úr öllu valdi þegar nær dregur forsetakosningunum 1. júní.

Birna Rún Arnarsdóttir, íbúi í Grindavík, var ein af þeim sem mætti á Austurvöll í dag til að mótmæla vinnubrögðum Fasteignafélagsins Þórkötlu.

Hjálmar Jónsson, fyrrum framkvæmdastjóri Blaðamannafélags Íslands, segir að það séu kaldar kveðjur eftir 35 ára árangursríkt starf í þágu félagsins að hafa fengið þann óþverra yfir sig sem raun ber vitni frá núverandi stjórn þess.

Hreppsnefnd Ásahrepps hefur óskað eftir óformlegum viðræðum um mögulega sameiningu við önnur sveitarfélög í Rangárvallasýslu, það er Rangárþing eystra og Rangárþing ytra. Fulltrúar þessara sveitarfélaga hafa hist á einum fundi þar sem skoðanir voru settar fram og ýmsar sviðsmyndir ræddar.

Ákvörðun fjármálaráðherra að taka húsnæði viðbragðsaðila út af fjármálaáætlun til ársins 2029 þýðir í raun að búið sé að slá verkefnið af. Ákvörðunin er gríðarleg vonbrigði fyrir viðbragðsaðila og þrátt fyrir þetta verður nauðsynlegt fyrir almannavarnadeild ríkislögreglustjóra og fleiri einingar að finna nýtt leiguhúsnæði vegna myglu og þess hversu þröngt er um starfsemina.

Rio Tinto hefur veitt Rauða krossinum á Íslandi styrk að upphæð 208 milljónir króna til stuðnings samfélagsins sem hefur orðið fyrir áhrifum jarðskjálfta og eldgosa í og við Grindavík.

Hópur Grindvíkinga er saman komin á Austurvelli til að mótmæla stöðu mála í bæjarfélaginu og vinnubrögðum Fasteignafélagsins Þórkötlu.

Um þessar mundir eru um 225 íslenskir læknanemar í Jessenius-læknaskólanum, en hann er staðsettur í Martin, níundu stærstu borg Slóvakíu. Skólinn, sem er hluti af Comenius-háskólanum í Bratislava, hefur löngum þótt fremsta læknadeild Slóvakíu, og er jafnan talinn með bestu læknaskólum í Mið-Evrópu.