Pétur Ingvarsson hefur verið ráðinn þjálfari karlaliðs Hauka. Skrifaði hann undir tveggja ára samning sem gildir til sumarsins 2027.

Handknattleiksmaðurinn Einar Örn Sindrason hefur skrifað undir nýjan samning við uppeldisfélag sitt FH sem gildir út næsta tímabil.

Handknattleiksdeild Stjörnunnar hefur samið við markvörðinn Margréti Einarsdóttur um að leika með liðinu næstu tvö tímabil, til sumarsins 2027.

Í Vellinum á Símanum Sport í gær var rætt um Jamie Vardy sem kvaddi Leicester City með 200. marki sínu í 500. leiknum í öllum keppnum í 2:0-sigri á Ipswich í ensku úrvalsdeildinni í knattspyrnu.

Baldur Þór Ragnarsson, þjálfari karlaliðs Stjörnunnar, reiknar ekki með Shaquille Rombley í oddaleik liðsins gegn Tindastóli í úrslitum Íslandsmótsins í körfubolta á miðvikudag eftir að hann var fluttur á sjúkrahús á meðan fjórða leik stóð í gærkvöldi.

Í Vellinum á Símanum Sport í gær var rætt um síðasta heimaleik karlaliðs Everton á Goodison Park, sem lauk með 2:0-sigri á botnliði Southampton í ensku úrvalsdeildinni í knattspyrnu.

Arnór Borg Guðjohnsen og Kristoffer Grauberg, leikmenn Vestra í knattspyrnu, voru báðir fluttir með sjúkrabíl á sjúkrahús vegna meiðsla sem þeir urðu fyrir í 1:0-tapi fyrir Fram í 7. umferð Bestu deildarinnar í gær.

Gunnlaugur Árni Sveinsson, kylfingur úr GKG, tekur þátt í lokaúrtökumóti fyrir US Open á Bent Tree Country Club vellinum í Dallas í Texasríki í Bandaríkjunum.

Í Vellinum á Símanum Sport í gær var rætt um lok leiks Nottingham Forest og West Ham United í ensku úrvalsdeildinni í knattspyrnu.

Hinu fornfræga ítalska knattspyrnuliði Sampdoria gæti verið bjargað frá falli niður í ítölsku C-deildina eftir að fregnir bárust af því að ítalska deildakeppnin hyggist draga fjögur stig af Brescia, sem Birkir Bjarnason leikur með, í B-deildinni.

Englandsmeistarar Liverpool hafa sett sig í samband við Bournemouth til þess að ræða möguleikann á því að festa kaup á ungverska vinstri bakverðinum Milos Kerkez.

Ítalinn Francesco Farioli hefur sagt starfi sínu sem knattspyrnustjóri karlaliðs Ajax lausu eftir aðeins eitt tímabil við stjórnvölinn.

Alphonse Areola, markvörður West Ham United, gaf Morgan Gibbs-White, miðjumanni Nottingham Forest, mark á silfurfati í 2:1-sigri Forest í ensku úrvalsdeildinni í knattspyrnu í gær.

Knattspyrnumaðurinn Sigurður Breki Kárason, ungur miðjumaður KR, var fluttur á sjúkrahús eftir að hafa lent í samstuði í leik liðsins gegn Aftureldingu í 7. umferð Bestu deildarinnar í gærkvöldi.

Iliman Ndiaye skoraði bæði mörk Everton þegar liðið vann botnlið Southampton 2:0 í næstsíðustu umferð ensku úrvalsdeildarinnar í knattspyrnu í gær.

Willum Þór Þórsson var kjörinn forseti Íþróttasambands Íslands á þingi sambandsins á laugardag. Kjör hans var nokkuð afgerandi en af þeim 145 sem voru á kjörskrá greiddu 109 honum atkvæði sitt.

Dagur Dan Þórhallsson var á skotskónum hjá Orlando City þegar liðið vann öruggan sigur á Lionel Messi og félögum í Inter Miami, 3:0, í bandarísku MLS-deildinni í knattspyrnu í Miami í nótt.

Knattspyrnumaðurinn Elías Már Ómarsson lauk keppnistímabilinu í Hollandi á skemmtilegan hátt í gær þegar lið hans, Breda, gerði jafntefli, 1:1, við Willem II á heimavelli í lokaumferð úrvalsdeildarinnar.

Þróttur úr Vogum er með fullt hús stiga á toppi 2. deildar karla í knattspyrnu eftir þriðju umferðina sem lauk í gær.

Bandaríski kylfingurinn Scottie Scheffler vann PGA-meistaramótið, eitt af fjórum risamótunum í golfi, í fyrsta sinn á ferlinum í kvöld.