Vopnaðir stigum og boltaklippum tókst suðurkóreskum lögreglumönnum og rannsakendum að handtaka dæmdan forseta landsins, Yoon Suk-yeol, á heimili hans í Seúl á miðvikudagsmorgun að staðartíma.

Á sínum lokadögum í embætti hefur Joe Biden Bandaríkjaforseti ákveðið að taka Kúbu af svokölluðum hryðjuverkalista. Í staðinn ætla stjórnvöld á Kúbu að sleppa 533 föngum úr haldi sínu.

Eigendur pítsastaðar í Norwich í Bretlandi hafa fengið sig fullsadda af lyst gesta á svokallaðri Havaí-pítsu og hafa brugðið á það ráð að láta fólk greiða fúlgur fjár fyrir áleggið.

Þjóðaröryggisráðherra Ísraels, Itamar Ben Gvir, hótaði í dag að hætta í ríkisstjórn Benjamíns Netanjahús verði samningur um vopnahlé á Gasa samþykktur af ríkisstjórninni. Hann telur að með því að samþykkja vopnahlé sé Ísraelsstjórn að gefast upp gagnvart hryðjuverkasamtökunum Hamas.

Michelle Obama, fyrrverandi forsetafrú Bandaríkjanna, verður ekki viðstödd innsetningarathöfn Donalds Trumps, verðandi Bandaríkjaforseta, í Washington D.C. 20. janúar.

Ríkisstjórn Danmerkur og landsstjórn Grænlands hafa fallist á sameiginlega lausn í máli er varðar „foreldrahæfnipróf“ en dönsk stjórnvöld hafa síðasta mánuðinn sætt þungri gagnrýni vegna prófanna sem eru sögð mismuna Grænlendingum í Danmörku.

Þjóðernisflokkurinn AFD dreifir nú einblöðungum í þýsku borginni Karlsruhe sem eru eins og flugmiðar í laginu en á þeim stendur að þetta séu brottvísunarmiðar fyrir ólöglega innflytjendur. Þýska lögreglan rannsakar gjörninginn.

Pete Hegseth, tilnefning Donalds Trumps til þess að verða varnarmálaráðherra, heitir því að tryggja aftur stríðsmannamenningu (e. Warrior culture) í bandaríska herinn.

Úkraínumenn gerðu í nótt sína umfangsmestu loftárás frá upphafi stríðs á rússneskt landsvæði. Olíubirgðastöðvar og verksmiðjur urðu fyrir barðinu á árásinni. Rússar saka Úkraínumenn um að hafa notað bandarískar og breskar eldflaugar og heita hefndum.

Formaður landsstjórnar Grænlands segir landið opið fyrir nánari tengslum við Bandaríkin á sviðum á borð við námugröft.

„Við erum í algjöru losti yfir þessum hörmungum,“ segir Friðgeir Trausti Helgason, kokkur og ljósmyndari, um ástandið í Kaliforníu. Hann hefur búið í Albuquerque í Nýju-Mexíkó í tvö ár, en bjó áður í Altadena-hverfinu í Los Angeles í rúm níu ár.

Í Sonju Noregsdrottningu verður senn græddur hjartagangráður í kjölfar gáttatifs sem hún fékk í skíðaferð til Lillehammar um helgina. Var drottning lögð inn á sjúkrahús um helgina og útskrifuð heim eftir ítarlega skoðun.

Spánn hyggst leggja allt að 100% skatt á eignir keyptar af erlendum aðilum frá löndum utan Evrópusambandsins.

Lífvörður við konungshöllina í sænsku höfuðborginni Stokkhólmi slasaðist lífshættulega við vaktaskipti á laugardaginn er hann hrasaði og féll í kjölfarið á byssusting eigin riffils með þeim afleiðingum að stingurinn gekk inn í höfuð hans bak við hægra eyra.

Tveir menn á þrítugsaldri sæta ákæru í manndrápsmáli sem í dag hefur göngu sína fyrir Héraðsdómi Óslóar í Noregi og snýst um víg þess þriðja, 24 ára, sem stunginn var til bana í bifreið við Fagerborg í Ósló í apríllok 2023, en lík hans svo flutt að Løkenåsen-grunnskólanum í Lørenskog, skammt norðan Óslóar, þar sem það fannst að morgni 28. apríl.

Donald Trump, sem í næstu viku sest á ný í forsetastól Hvíta hússins í Washington, hefði hlotið dóm fyrir tilraunir sínar til að hafa áhrif á niðurstöður forsetakosninganna árið 2020 hefði hann ekki náð kjöri í nýafstöðnum kosningum.

Íbúar Los Angeles búa sig undir frekari eyðileggingu þar sem veðurspár gefa til kynna að bæta eigi töluvert í vind og þar með gætu gróðureldarnir sem hafa geisað í eina viku magnast enn frekar.

Talsverður gangur virðist vera í vopnahlésviðræðum Ísraelsstjórnar og Hamas-hryðjuverkasamtakanna. Ónafngreindur palestínskur embættismaður, sem þekkir til samningaviðræðnanna, greindi breska ríkisútvarpinu, BBC, frá því í dag að verið sé að ganga frá lokaskilmálum samningsins.

Yfirvöld í Los Angeles-borg búa sig nú undir mikinn veðurofsa sem á eftir að gera slökkviliðsmönnum erfiðara fyrir að slökkva mannskæða gróðurelda sem geisa í og við borgina.

Forseti Líbanon, Joseph Aoun, hefur skipað Nawaf Salam, forseta alþjóðadómstólsins í Haag, sem forsætisráðherra landsins eftir að meirihluti þingmanna líbanska þingsins tilnefndi hann í dag.