Að minnsta kosti 27 manns eru látnir í Benín í Vestur-Afríku eftir að rúta fór út af brú og hafnaði í Oueme-ánni um nýliðna helgi.

Rússneski utanríkisráðherrann Sergei Lavrov sagði í morgun að hvers eðlis sem friðarsamkomulag vegna Úkraínu yrði, væri það skilyrði af hálfu rússneskra stjórnvalda að öryggi Rússlands yrði þar bundið fastmælum.

30 þúsund hektarar af landi til viðbótar hafa brunnið í skógareldunum á innan við sólarhring á Spáni en svalara veður hefur vakið vonir um að unnt verði að ná tökum á eldunum.

Emmanuel Macron Frakklandsforseti varar þjóðir Evrópu við því að treysta Vladimír Pútín Rússlandsforseta, sem hann kallar óvætti.

Norski fjárfestirinn Bernt Hellesøe hefur keypt Senju, 45 ára gamalt strandgæsluskip sem afskráð hefur verið í bókum norska sjóhersins og hyggst stefna fleyinu gamla gegn rússneskum njósnurum sem hann segir norsku ríkisstjórnina og löggæsluyfirvöld ekki hafa roð við.

Norska lögreglan hefur fundið lík í ánni Glommu sem hún telur vera jarðneskar leifar hins sænska Jerrys Mikaels Lemmetty sem saknað hefur verið síðan í fyrrahaust og áköf leit verið gerð að í og umhverfis norska bæinn Kongsvinger þar sem síðast spurðist til hans.

Hljóðnemi sem var kveikt á í Hvíta húsinu í gærkvöld afhjúpaði trúnaðarsamtal á milli Donalds Trumps Bandaríkjaforseta og Emmanuel Macron, forseta Frakklands.

Alexander Stubb, forseti Finnlands, segir að Vladimír Pútín, forseti Rússlands, sé ekki traustsins verður en þetta sagði hann eftir fund í Hvíta húsinu með Donald Trump Bandaríkjaforseta, Volodimír Selenskí Úkraínuforseta og nokkrum leiðtogum Evrópuríkja í gærkvöld.

Emmanuel Macron Frakklandsforseti segir að herða þurfi viðskiptaþvinganir gegn Rússlandi ef Vladimír Pútín Rússlandsforseti sýnir ekki vilja til að gera friðarsamkomulag við Úkraínu.

Friedrich Merz, kanslari Þýskalands, segir að Vladimír Pútín Rússlandsforseti hafi fallist á að funda með Volodimír Selenskí Úkraínuforseta innan tveggja vikna.

Donald Trump Bandaríkjaforseti segist hafa hafið undirbúning að tvíhliða friðarfundi milli Volodímírs Selenskís Úkraínuforseta og Vladimírs Pútíns Rússlandsforseta. Þá hefur verið ákveðið að veita Úkraínu öryggistryggingar sem hluta af hugs­an­leg­um friðarsamn­ingi milli Rúss­lands og Úkraínu.

Lögreglan í norska suðausturumdæminu leitar Svíans Jerrys Mikaels Lemmetty enn dyrum og dyngjum en til hans hefur ekkert spurst síðan í fyrrahaust er talið var að hann héldi sig í norska bænum Kongsvinger, tæplega hundrað kílómetra norðaustur af Ósló.

Keir Starmer, forsætisráðherra Bretlands, segir að öryggistryggingar í þágu Úkraínu sem og þríhliða viðræður milli Donalds Trumps Bandaríkjaforseta, Volodimírs Selenskís Úkraínuforseta og Vladimírs Pútíns Rússlandsforseta yrði sögulegt skref fram á við í deilu Rússlands og Úkraínu.

Volodimír Selenskí Úkraínuforseti segist hafa átt hið besta samtal við Donald Trump Bandaríkjaforseta í Hvíta húsinu í dag.

Donald Trump Bandaríkjaforseti segist vilja boða til fundar með bæði Volodimír Selenskí Úkraínuforseta sem og Vladimír Pútín Rússlandsforseta með það að markmiði að binda enda á stríðið. Það fari hins vegar eftir því hvernig fundur hans með Selenskí fari í dag.

Volodimír Selenskí er mættur í Hvíta húsið til fundar við Donald Trump Bandaríkjaforseta. Athygli vekur að Selenskí hefur horfið frá hinum græna herfatnaði sem hann var m.a. gagnrýndur fyrir á hitafundi hans með Trump og J.D. Vance, varaforseta Bandaríkjanna, í febrúar.

Fundur Donalds Trumps Bandaríkjaforseta og Volodimírs Selenskís Úkraínuforseta í Hvíta húsinu er að hefjast.

Réttarhöld eru hafin í máli fyrrverandi þjóðaröryggisráðgjafa Svíþjóðar sem var ákærður fyrir að gleyma trúnaðarskjölum í ráðstefnusal á hóteli í Svíþjóð. Saksóknarar segja að hann hefði með þessu stofnað öryggi landsins í hættu.

Hamas-samtökin hafa samþykkt nýja vopnahléstillögu á Gasa sem sáttasemjarar hafa lagt fram. Þetta hefur AFP eftir heimildarmanni úr röðum Hamas.

Hvíta húsið í Washington í Bandaríkjunum hefur óskað eftir því að Volodimír Selenskí, forseti Úkraínu, klæðist jakkafötunum og bindi á fundi sínum með Donald Trump í dag.