Engar breytingar hafa orðið á eldgosinu í Sundhnúkagígum frá því í gær.
„Nei, ekki ennþá en við höldum áfram að fylgjast með,” segir Lovísa Mjöll Guðmundsdóttir, náttúruvársérfræðingur hjá Veðurstofu Íslands, spurð hvort krafturinn í gosinu hafi aukist eins og talið hefur verið líklegt.
Hún segir jafnframt að lítil mengun hafi mælst á svæðinu upp á síðkastið.
Lögreglan á Suðurnesjum hefur biðlað til fólks að fara ekki fótgangandi að eldgosinu við Sundhnúkagíga. Ný gossprunga gæti opnast á hverri stundu eða kraftur eldgossins orðið meiri.