Enn ríkir mikil óvissa um framhaldið í eldgosinu í Sundhnúkagígum og ýmsar sviðsmyndir sem settar hafa verið fram. Þannig telja sumir jarðvísindamenn mestar líkur á að krafturinn í gosinu muni aukast á næstu dögum, en þrýstingurinn í kvikuhólfinu hefur orðið meiri síðustu daga. 

Eldgosið í Sundhnúkagígum eins og það leit út í síðustu viku. Ljósmynd/Hörður Kristleifsson

Á meðfylgjandi myndum, sem ljósmyndarinn Hörður Kristleifsson tók má þó sjá að eldvirknin í gígnum sem enn spúir eldi var sjáanlega minni í dag á baráttudegi verkalýðsins en hann var fyrir viku síðan. Er þá spurning hvort að gígurinn hafi mögulega tekið sér smáhvíld í tilefni dagsins, en ljóst er að ekki er á vísan að róa þegar kemur að eldvirkninni á Reykjanesskaga. 

Frétt af mbl.is

„Höldum áfram að fylgjast með“

Hörður hefur einnig verið iðinn við að birta myndir af gosinu á Instagram-síðu sinni, en hann birti þar nýlega færslu, sem sýndi muninn á Sundhnúkagígaröðinni fyrir og eftir núverandi gos. Er sjón þar sögu ríkari. 

Á þessari mynd má svo sjá samanburð á Sundhnúkagígaröðinni á milli ára, en myndin til vinstri er tekin árið 2023 en sú til hægri í ár. mbl.is/Hörður Kristleifsson

Tengdar fréttir

Eldvirkni á Reykjanesskaga

Um 70 jarðskjálftar í kvikuganginum

• „Síðasta stóra verkefnið“
• „Bíð bara eftir að það fari að gjósa aftur“
• Kvikusöfnunin komin í rúma 16 milljón rúmmetra
• Urðu ekki vör við kvikuhlaup

» Fleiri tengdar fréttir

• Blogga um frétt