Gleðin var við völd þegar stuðningsfólk Höllu Tómasdóttur forsetaframbjóðanda efndu til teitis á kosningaskrifstofu hennar við Laugaveg. Ekki var þverfótað fyrir frægum einstaklingum í boðinu en þar var Guðmundur Birkir Pálmason, eða Gummi kíró eins og hann er kallaður, Lína Birgitta Sigurðardóttir, Hanna Stína innanhússarkitekt, Arnar Gauti Sverrisson, Ásgeir Kolbeinsson, María Ellingsen, Þóra Hrund Guðbrandsdóttir, Marín Magnúsdóttir viðburðarstjóri og Pattra svo einhverjir séu nefndir. 

Sóley Kristjánsdóttir þeytti skífum og gætti þess að tónlistin væri ekki of hátt stillt svo fólk gæti talað við Höllu og rætt lífsins gagn og nauðsynjar.