Þúsundir aðdáenda Taylor Swift urðu fyrir miðasvindli

Þúsundir aðdáenda  poppstjörnunnar Taylor Swift hafa orðið fyrir bylgju miðasvika fyrir tónleikaferð hennar í Bretlandi síðar á þessu ári.

Frá þessu greindi breski bankinn Lloyds Bank í dag en talið er að minnsta kosti 3.000 fórnarlömb hafi verið blekkt til að kaupa falsaða miða síðan í júlí, þar sem yfir 1 milljón punda hafi tapast til svikara hingað til.

Meðalupphæðin sem hvert fórnarlamb tapaði var 332 pund, þó í sumum tilfellum hafi það verið meira en 1.000 pund.

Falsaðar auglýsingar eða færslur á Facebook

Bankinn sagði að meira en 90 prósent tilkynntra mála hafi byrjað með fölsuðum auglýsingum eða færslum á Facebook en tónleikamiðasvindl hefur aukist um 158 prósent frá síðasta sumri miðað við sama tímabil árið áður.

Lloyds Bank segir að leit á Facebook hafi leitt í ljós að tugir óopinberra hópa hefðu verið stofnaðir, margir með tugum þúsunda meðlima, sérstaklega fyrir fólk sem vill kaupa og selja miða á tónleika með Swift.

• Blogga um frétt