Brimi úthlutað mestum kvóta
Setja bókamerki
Brim hf. hefur fengið stærstu hlutdeildina í kvóta fiskveiðiársins 2022/2023 sem stakur aðili hefur fengið eða 10,44% allra fiskígildistonna sem Fiskistofa hefur úthlutað. Alls eru fimm fyrirtæki sem fá mestan kvóta með meira en þriðjungshlut í heildarkvóta.
Nýtt fiskveiðiár bryjar 1. september og var 360 skipum í eigu 282 aðila úthlutað kvóta, að því er segir í tilkynningu á vef Fiskistofu.
Úthlutun í þorski er rúm 166 þúsund þorskígildistonn en var tæp 164 þúsund þorskígildistonn á síðasta fiskveiðiári. Úthlutun í ýsu er rúm 55 þúsund þorskígildistonn og hækkar um 7 þúsund þorskígildistonn milli ára.
Sem fyrr er Brim með stærstu hlutdeildina en á eftir fylgir Ísfélagið hf. með 7%, svo Samherji með 6,93%, FISK Seafood með 6,14% og svo Þorbjörn með 5,33%. Samanlagt eru þessi fimm fyrirtæki því með 35,84% af veiðiheimidunum sem Fiskistofa hfeur úthlutað. Hafa ber þó í huga að ekki hefru varið úthlutað í öllum tegundum og kann því þessi listi að taka breytingum. T.a.m. verður loðnukvóta líklega úthlutað í október.
Guðmundur í Nesi RE sem Útgerðarfélag Reykjavíkur hf. gerir út hefur fengið mestu úthlutunina og er með 11.056 þorskígildistonn. Á eftir fylgir Sólberg ÓF, togari nýs sameinaðsfélags Ísfélag hf., með 9.840 þorskígildistonn og svo togari Brims Örfirisey RE með 7.978 þorskígildistonn.
11.100 tonn til strandveiða
Af leyfðum heildarafla eru dregin frá 5,3% og fara 2.442 tonn í skel og rækjubætur 2.442 tonn, 6.500 tonn í byggðakvóta til fiskiskipa og byggðakvóti Byggðastofnunar verður 6.584 tonn. Þá er strandveiðum úthlutað 11.100 tonn, línuívilnun 2.025 tonn og frístundaveiðum 200 tonn.
Frma kmeur í tilkynningu Fiskistofu að úthlutun skel- og rækjubóta má vænta í næstu viku.
„Bíð bara eftir að það fari að gjósa aftur“
Opin fyrir almennri kosningu biskups
Meti umsóknir um ríkisborgararétt
Mannbjörg þegar strandveiðibátur sökk
Hátt í 140 lömb fæddust á 48 tímum
Um 70 jarðskjálftar í kvikuganginum
„Hann var lokaður inni í bátnum“
„Mjög miður að af þessu hljótist kostnaður“