Um 70-90% af nýjum íbúðum sem hafa komið inn á markaðinn á matsvæðum utan miðbæjar Reykjavíkur á síðustu þremur árum eru seldar. Hins vegar hefur á sama tíma aðeins selst um fjórðungur nýbygginga í miðbænum. Þetta kemur fram í ritinu Fjármálastöðugleiki sem Seðlabankinn gaf út í dag.

Í ritinu kemur fram að kaupsamningum á höfuðborgarsvæðinu hafi fækkað um 12% á fyrstu mánuðum ársins miðað við sama tíma í fyrra, en fækkun samninga um kaup á nýbyggingum hafi verið 26% á sama tíma. „Gögn yfir nýbyggingar á markaði og samninga um kaup á nýbyggingum benda til þess að sölutregða sé á nýbyggingum í miðbæ Reykjavíkur,“ segir í ritinu.

Bent er á að dræm sala á nýjum íbúðum í miðbænum bendi til þess að verðlækkun geti verið fram undan á því svæði.

Ritið Fjármálastöðugleiki

Tengdar fréttir

Húsnæðismarkaðurinn

Gerir ráð fyrir 150 samningum í næstu viku

• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt