Subway dæmt til að greiða 15 milljónir

Stjarnan ehf., rekstraraðili Subway veitingastaðanna, þarf að greiða þrotabúi EK1923 15 milljónir eftir að Landsréttur staðfesti dóm héraðsdóms um að rifta framsali á kröfu EK1923 á hendur íslenska ríkinu til Stjörnunnar. Var framsalið talið fela í sér greiðslu til Stjörnunnar með óvenjulegum greiðslueyri og að greiðslan hafi ekki virst venjuleg eftir atvikum.

Þrotabú EK1923 byggði riftunarkröfu sína á því að framsal kröfunnar hafi verið gjafagjörningur til hagsbóta fyrir Stjörnuna. Var krafan tilkomin vegna ofgreiðslu gjalda til ríkissjóðs í tengslum við úthlutun á tollkvótum með útboði á árunum 2014 og 2015.

Frétt af mbl.is

Dæmt til að greiða 15 milljónir

EK1923 ehf. var lengst af þekkt sem heild­versl­un Eggerts Kristjáns­son­ar hf. og var meg­in­starf­semi þess inn­flutn­ing­ur á mat­vöru og hrein­lætis­vör­um. Árið 2016 var nafni fé­lags­ins breytt í EK1923 ehf., skömmu áður en fé­lagið var tekið til gjaldþrota­skipta. Í nóv­em­ber 2013 keypti Leiti eign­ar­halds­fé­lag ehf., sem er í eigu Skúla Gunn­ars Sig­fús­son­ar, sem kenndur er við Subway, 70% eign­ar­hlut í EK1923 ehf. Hið fyrr­nefnda fé­lag eignaðist síðan hið síðar­nefnda al­farið árið 2015. EK1923 tók síðar við sem birgi fyrir Stjörnuna og þar með Subway.

Annað félag Skúla, Sjöstjarnan ehf., var í október dæmt til að greiða þrotabúi EK1923 223 milljónir og var greiðslu upp á 21,3 milljónir frá EK1923 til Sjöstjörnunnar rift. Uppreiknað námu báðar kröfurnar um 407 milljónum.

Frétt af mbl.is

Gert að greiða 223 milljónir króna

• Blogga um frétt