Kaupa ráðandi hlut í Blackbox
Setja bókamerki
Gleðipinnar, rekstraraðilar Keiluhallarinnar og Hamborgarafabrikkunnar, hafa keypt ráðandi hlut í pizzastaðnum Blackbox í Borgartúni.
Hinn nýja eigendahóp skipa því stofnendur staðarins, Karl Viggó Vigfússon og Jón Gunnar Geirdal, ásamt Jóhannesi Stefánssyni og fjölskyldu í Múlakaffi og Jóhannesi Ásbjörnssyni, samkvæmt fréttatilkynningu frá eigendum.
„Markmið hins nýja eigendahóps er að fjölga Blackbox-pizzastöðum á næstu misserum og styrkja félagið til framtíðar. Þau verkefni verða leidd af Karli Viggó og Jóni Gunnari. „Við fögnum því að fá til liðs við okkur öfluga aðila með mikla reynslu úr veitingageiranum. Frá upphafi hefur framtíðarsýn Blackbox verið mjög skýr og þessari sýn deila nýir hluthafar með okkur. Fram undan er skemmtilegt ferðalag og fjölbreyttar Blackbox-fréttir væntanlegar,” segir Jón Gunnar Geirdal, einn stofnenda Blackbox, í fréttatilkynningu.
Blackbox Pizzeria opnaði í Borgartúni 26 í janúar en Gleðipinnar eiga og reka Keiluhöllina í Egilshöll og Shake&Pizza. Þeir eiga jafnframt meirihluta í Hamborgara-fabrikkunni sem starfrækir 3 veitingastaði.
Að minnsta kosti vika í nýtt gos
Hyggjast leyfa fólki að skoða gosið
„Búið að vera í dreifingu í einhvern tíma“
Segjast ekki vera á kaldri slóð
Mikilvægt að vera á tánum
Almannavarnir auka viðbúnað
Nauðgaði kærustu sinni og tók það upp
Hæstiréttur staðfestir vanhæfi alls Landsréttar