Emirates kemur Airbus til bjargar

Flugfélagið Emirates Airlines hefur skrifað undir 16 milljarða dala samning við franska flugvélaframleiðandann Airbus um kaup á 36 þotum af tegundinni A380 superjumbo. Fyrir aðeins fáeinum dögum tilkynnti Airbus að framleiðsla á þotunum yrði hætt ef engar pantanir bærust. 

Samningurinn felur í sér kaup á 20 þotum og valrétt á 16 í viðbót. Afhendingin þotanna hefst árið 2020 en Emirates er nú þegar stærsti kaupandi A380-þotanna með 101 þotu í flotanum og 41 pantaða. 

Airbus tilkynnti á mánudag að mögulega þyrfti að hætta framleiðslu á A380 þar sem engar pantanir hefðu borist síðustu tvö ár. Emirates var sagt eina flugfélagið sem hefði burðina til þess að leggja fram nógu stóra pöntun til að halda framleiðslunni áfram en í nóvember slitnaði upp úr viðræðum milli fyrirtækjanna tveggja 

• Blogga um frétt