Bitcoin í snörpum lækkunarfasa
Setja bókamerki
Bitcoin hríðlækkaði í verði í dag niður í sex vikna lágmark undir 12 þúsund Bandaríkjadölum. Greinendur rekja verðfallið til þess að víða séu yfirvöld byrjuð að kanna hvernig regluverk eigi að setja í kringum rafmyntina.
Undir lok síðasta árs náði bitcoin hámarki í rúmum 19 þúsund dölum en síðan þá hefur rafmyntin fallið um 40% í verði og nam lækkunin í dag 20% þegar hún var sem mest. Aðrar stórar rafmyntir lækkuðu einnig verulega í verði.
„Að útskýra verðsveiflur bitcoin er snúið en ástæðan að baki þessu hruni getur verið sú að þrýstingur á að setja regluverk um rafmyntir er að magnast,“ segir Neil Wilson, greinandi hjá ETX Capital við fréttastofu AFP en yfirvöld í nokkrum löndum, þar á meðal Kína og Suður-Kóreu, hafa einsett sér að koma böndum á rafmyntir.
„Óvissan sem magnaðist eftir fréttir af því að yfirvöld í Kína ætluðu að þrengja að bitcoin gæti leitt til frekari verðlækkana,“ segir Lukman Otunuga, greinandi hjá FXTM.
Fjárfestingin 115 milljarðar króna
Þrjú og hálft ár fyrir skotárás í Úlfarsárdal
Markaðurinn hitnar og leiguverð hækkar hratt
Innviðir þandir og álagið „gríðarlegt“
„Það er skiljanlegt að þolinmæði þeirra sé lítil“
Benda á Samgöngustofu sem bendir út í heim
„Tíminn er runninn út fyrir Kristján Loftsson“