Breska verslunarkeðjan Tesco ætlar að leggja niður 1.200 störf á aðalskrifstofu sinni sem jafngildir fjórðungi allra starfsmanna skrifstofunnar. Aðgerðirnar eru hluti af áætlun fyrirtækisins sem á að skera niður kostnað um 1,5 milljarð punda.
Aðeins í síðustu viku sagðist Tesco ætla að loka þjónustuveri sínu í Cardiff og í kjölfarið leggja niður 1.200 störf. Að sögn Tesco er þetta „mikilvægt næsta skref“ í því að endurskipuleggja reksturinn og að það myndi einfalda skipulag og draga úr kostnaði en einnig „leyfa okkur að fjárfeta í því að þjóna viðskipavinum okkar betur,“ sagði talsmaður í samtali við BBC.
Að sögn Pauline Foulkes, fulltrúa verkalýðsfélags verslunarstarfsmanna hafa margir áhyggjur af uppsögnunum og er búist við fleirum innan tíðar.
Hlutabréf í Tesco hækkuðu um 1,5% við fregnirnar af uppsögnunum en þau hafa lækkað um 17% frá áramótum.