Öllum verslunum Kiwi í Danmörku verður lokað á næstu mánuðum en þær eru 103 talsins víðs vegar um landið. Kiwi er í eigu félagsins Dagrofa sem einnig rekur Spar og Meny. Rekstur Kiwi hefur gengið brösulega á síðustu árum.
Í tilkynningu frá Dagrofa segir að þrjátíu verslunum Kiwi verði breytt í Spar eða Meny verslanir en öðrum verður lokað á næstu mánuðum.
Þetta mun hafa áhrif á 2.400 starfsmenn. Um 1.600 verður sagt upp en 800 starfsmenn verða færðir til innan keðjunnar.