Valdi sem minnstum sveiflum á gengi krónunnar

Fjármála- og efnahagsráðherra skipaði hópinn 21. mars og í honum …
Fjármála- og efnahagsráðherra skipaði hópinn 21. mars og í honum sátu Gylfi Magnússon, dósent við Háskóla Íslands, formaður, Hersir Sigurgeirsson, dósent við Háskóla Íslands, Þórey S. Þórðardóttir, framkvæmdastjóri Landssamtaka lífeyrissjóða, Ólafur Sigurðsson, framkvæmdastjóri Birtu lífeyrissjóðs og Fjóla Agnarsdóttir, hagfræðingur í fjármála- og efnahagsráðuneytinu. mbl.is/Golli

Það er lífeyrissjóðunum í hag að gjaldeyrisviðskipti þeirra valdi sem minnstum sveiflum á gengi krónunnar. Því er æskilegt að þau verði tiltölulega jöfn og fyrirsjáanleg.

Þetta er meðal þess sem fram kemur í niðurstöðum starfshóps sem var annars vegar falið að kortleggja árlega fjárfestingargetu lífeyrissjóðanna og hins vegar að meta hvort æskilegt sé að breyta núverandi löggjöf um erlendar fjárfestingar lífeyrissjóðanna, einkum með tilliti til þess hvort rétt sé að áskilja lágmarksfjárfestingar erlendis (gólf) eða hámarksfjárfestingar erlendis (þak).

Fjármála- og efnahagsráðherra skipaði hópinn 21. mars og í honum sátu Gylfi Magnússon, dósent við Háskóla Íslands, formaður, Hersir Sigurgeirsson, dósent við Háskóla Íslands, Þórey S. Þórðardóttir, framkvæmdastjóri Landssamtaka lífeyrissjóða, Ólafur Sigurðsson, framkvæmdastjóri Birtu lífeyrissjóðs og Fjóla Agnarsdóttir, hagfræðingur í fjármála- og efnahagsráðuneytinu. 

Starfshópurinn hefur lokið störfum og skilað skýrslu til fjármála- og efnahagsráðherra.

Í niðurstöðum skýrslunnar er bent á að verulegu máli skipti fyrir lífeyrissjóði og lífeyrisþega að gengisstöðugleiki sé mikill svo ávöxtun sé örugg og réttindi trygg.

Bent er á að það sé lífeyrissjóðunum í hag að gjaldeyrisviðskipti þeirra valdi sem minnstum sveiflum á gengi krónunnar og því er æskilegt að þau verði tiltölulega jöfn og fyrirsjáanleg.

Starfshópurinn bendir á að hugsanlegt sé að ná þessu markmiði að einhverju leyti með því að byggja á fjárfestingaráætlunum sjóðanna og skýrslugjöf til opinberra aðila, sérstaklega Seðlabanka Íslands.

Einnig telur hópurinn bráða þörf á því að breyta lögum nú, þar sem núverandi lög um skyldutryggingu lífeyrissjóða fela í sér verulegar heimildir til erlendrar fjárfestingar. Fyrirsjáanlegt er að flestir lífeyrissjóðir muni nýta sér þær á næstu árum og áratugum að verulegu marki.

Þá er æskilegt að skoðaðar verði leiðir til að koma í veg fyrir að gengisáhætta vegna erlendra eigna valdi umtalsverðum vandræðum fyrir lífeyrissjóðina og sjóðfélaga.

„Hugsanlegar leiðir eru reifaðar stuttlega í skýrslunni en starfshópurinn gerir þó enga þeirra að sinni tillögu,“ segir í samantekt fjármála- og efnahagsráðuneytisins.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK