Veiði hefst í Elliðavatn á næstkomandi fimmtudag, á sumardaginn fyrsta samkvæmt tilkynningu frá Veiðikortinu.
Í tilkynningunni segir eftirfarandi: „Elliðavatn sem er á mörkum Reykjavíkur og Kópavogs er eitt vinsælasta silungsveiðivatn á Íslandi. Þangað leggja leið sína þúsundir veiðimanna á öllum aldri og þar stíga sumir sín fyrstu skref í áttina að fangi veiðigyðjunnar. Aðrir eru komnir á lokasprettinn en eru samt ævinlega viljugir til að heimsækja Elliðavatnið ár eftir ár enda er aðdráttarafl vatnsins ómótstæðilegt þeim sem komast í kynni við leyndardóma þess."
Veiðisvæðið er fyrir löndum Elliðavatns og Vatnsenda, auk Hólmsár og Nátthagavatns, þaðan sem Hólmsá rennur. Óheimilt er að veiða í Suðurá. Ekki má veiða nær Elliðavatnsstíflu en 50 metra. Bleikjan var lengi ríkjandi í vatninu en síðasta áratug hefur urriðinn mikið sótt í sig veðrið og er nú að verða algengasta fiskitegundin í vatninu.
Urriðinn í vatninu hefur verið að stækka síðustu árin og síðasta sumar veiddust þar allt upp í sex punda urriðar. Bestu líkurnar til að veiða urriða eru seint á kvöldin og fyrripart dags samkvæmt upplýsingum frá forsvarsmönnum Veiðikortsins. Þegar kemur fram á sumarið gengur lax og sjóbirtingur í vatnið úr Elliðaánum og upp í Hólmsá.
Veiðikortið kveðst vera stoltur leigutaki og umsjónaraðili vatnsins og býður veiðimenn á öllum aldri hjartanlega velkoma til veiða í Elliðavatni í sumar.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |