Þekkt veiðikona til liðs við Hreggnasa

Fram kemur í tilkynningu frá Veiðifélaginu Hreggnasa að þar hafi verið ráðin inn þekkt tékknesk veiðikona sem bætist við breiðan hóp leiðsögumanna fyrirtækisins í sumar. 

Innan fyrirtækisins starfar hópur fólks sem hefur mikinn áhuga á stangaveiði og útivist og hefur félagið margar af bestu laxveiðiám landsins á sínum snærum. Í sumar mun Katka Svargrova frá Tékklandi bætast í hópinn og verður á bökkum vatnasvæða félagsins veiðimönnum til aðstoðar. Hún hefur mikla reynslu af fluguveiði víða um heim og hefur meðal annars orðið fimmfaldur Tékklandsmeistara í fluguveiðum.

Þá kemur að auki fram að félagið hyggist bjóða upp á sérstakt námskeið um veiðar andstreymis með púpum og þurrflugum sem Katka muna stýra.

• Blogga um frétt

Seinustu hundraðkallar sumarsins