Eldisfiskur á land í Laugardalsá

Veiðimenn sem voru við veiðar síðustu daganna í Laugardalsá í Ísafjarðardjúpi veiddu í gær lax sem þeir telja bera öll einkenni þess að um eldisfisk sé að ræða.

Að sögn Jóhanns Birgissonar, leigutaka árinnar, þá var hann ásamt fèlögum sínum að veiða síðustu daga tímabilsins í ánni. Í gær veiddi Jóhann svo 75 cm lúsugan lax í svokölluðum Grímhólshyl sem var allur hinn undarlegasti að sjá.  Hann var uggaétinn og skinnið mjög laust í sér, auk þess sem útilokað var að kyngreina laxinn. Þá er fremur fátítt er að veiða lúsugan nýgenginn lax við lokum árinnar.

Sagði Jóhann í samtali við mbl að ekkert færi á milli að þarna væri um eldislax að ræða sem væntanlega hefði sloppið úr eldiskví, en ekki hafa borist fréttir af öðrum veiddum eldislöxum úr Laugardalsá í sumar.  Kvaðst Jóhann ætla með laxinn á Fiskistofu á morgun til að fá nánar úr þessu skorið. 

Lokahollið í ánni veiddi sjö laxa og urðu lokatölur 175 veiddir laxar sem er fremur léleg heildarveiði þar á bæ.

Jóhann Birgisson

• Blogga um frétt

Seinustu hundraðkallar sumarsins