Sjóbirtingsveiði fer vel af stað austur á Síðu

Samkvæmt upplýsingum frá Stangveiðifélagi Keflavíkur þá fer sjóbirtingsveiðin vel af stað í Fossálum og í Geirlandsá austur á Síðu. 

Fram kemur að veiði í Geirlandsá hafi verið með ágætum til þessa en hollin verið að gera misjafna veiði í takt við veður og aðstæður.  Fiskur mun vera nánast í öllum hyljum árinnar og mikið í sumum þeirra. Eins og oft áður er aðalgangurinn  í Ármótunum en þau eru mikill og stór veiðistaður sem gefur jafnan mest á hverju ári.

Uppistaðan er fallegur 2 til3 kílóa fiskur og sem er hvað viljugastur til töku. Stór fiskur er samt að veiðast í bland við þá minni enda er Geirlandsá er annáluð stórfiska á telja menn örugglega að þeim eigi eftir fjölga er líður á tímabilið. 

Stærsti fiskurinn það sem af er kom á land þann 5. september og reyndist að vera 89 cm löng hrygna sem Ásgeir Ólafsson fékk á flugu sem kölluð er Super Tinsel flugan. Hollið sem var við veiðar 10. til 12. september fékk 13 fiska og veiðimennirnir sem komu þar á eftir fengu 12 fiska og þar af einn lax.  

Þá kemur að auki fram að einnig hafi verið ágætis veiði í Fossálunum það sem af en þeir eru skammt fyrir austan Geirlandsá. Fram kemur að flest hollin verið að fá 6 til 8 fiska og ber flestum saman um það að mikið sé af fiski á svæðinu og haft er eftir þaulvönum mönnum þeir hafi sjaldan séð jafnmikið líf á svæðinu.

• Blogga um frétt

Seinustu hundraðkallar sumarsins