Í vikunni kom annar stórlax á land úr Hofsá i Vopnafirði en í upphafi mánaðarins veiddist 109 cm hængur úr Skógarhvammshyl.
Samkvæmt upplýsingum frá Gísla Ásgeirssyni hjá veiðiklúbbnum Streng, sem heldur utan um leigu á ánni, þá veiddist annar 109 cm hængur úr svokölluðum Wilson Run á svæði 5 í ánni. Það var Friðrik Stefánsson fyrrverandi formaður Stangveiðifélags Reykjavíkur sem fékk þann stóra sem var tekinn á smá flugu.
Annars er veiðin fremur róleg í Hofsá þessa daganna og gaf síðasta vika aðeins 55 laxa og eru rétt um 400 laxar komnir á land. Þeir sem til þekkja þykjast þó sjá einhver batamerki á ánni sem hefur verið í niðursveiflu síðustu árin.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |