Að sögn Jóhannesar Sigmarssonar, leigutaka Norðlingafljóts í Borgarfirði, er mjög góð veiði í ánni þessa daganna.
Fram kom að 297 laxar hefðu veiðst þessa vikuna á stangirnar fimm. Heildarveiðin væri þar með í kringum 550 laxa sem væri afbragðsveiði þegar litið er til þess að áin opnaði fyrir rúmum mánuði síðan. Það liti því vel út með framhaldið á veiðinni í sumar og haust.
Áin er um 17 kílómetrar á lengd með yfir 75 merkta veiðistaði, auk fjölda af minni stöðum sem geta gefið lax. Umhverfi árinnar þykir stórbrotið og veiðistaðir eru afar fjölbreyttir.
Jóhannes sagði að veitt væri jöfnum höndum á maðk og flugu en óheimilt væri að veiða á spún. Uppistaðan í veiðinni í sumar væri vænn smálax en nokkrir stórir væru einnig inn á milli og væru þeir stærstu 96 og 93 cm langir.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |