Veiði hófst í ánni nú um helgina og kemur hún vel undan vetri að sögn leigutaka. Svartá er fjögurra stanga urriðaá en fyrir neðan svonefndan Reykjafoss breytir áin um nafn og gengur undir nafninu Húseyjarkvísl. Reykjafoss er ólaxgengur en þar fyrir neðan er þekkt laxa og sjóbirtingssvæði. Í Svartá er staðbundinn urriði og undanfarin ár hefur verið unnið að rannsóknum á stofnunum árinnar með það að markmiði að byggja þá upp. Hefur það tekist mjög vel og hefur veiðin aukist mikið og urriðinn stækkað. Valdemar Friðgeirsson var einn þeirra sem var í opnunarhollinu og fengum við þessar myndir hér lánaðar hjá honum. Veiðin var góð og urriðinn sterkur og sprækur. Um 30 urriðar komu á land, flestir um 50 cm langir en sá stærsti var 64 cm langur sem Guðmundur Ármann veiddi. Mest var veiðin á púpur og var þar flugan Hrafna fremst í flokki.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |