Serbinn Novak Djokovic verður ekki ólympíumeistari í einliðaleik í Tókýó en hann var í dag sleginn út í undanúrslitunum á Ólympíuleikunum.
Þjóðverjinn Alexandere Zverev sigraði Djokovic í undanúrslitunum í dag, þrátt fyrir öruggan sigur Djokovic í fyrsta setti, 6:1. Zverev sneri leiknum við með 6:3-sigri í öðru setti og vann svo það þriðja á sannfærandi hátt, 6:1.
Zverev mun mæta Karen Khachanov frá Rússlandi í úrslitaleiknum en Djokovic leikur um bronsverðlaunin við Pablo Carreno frá Spáni.
Draumur Djokovic um ólympíugull ætlar því ekki að rætast en þennan sigursæla tennisleikara vantar þá medalíu í glæsilegt verðlaunasafn sitt.