Eina sem skiptir máli

Ari Freyr Skúlason og Emil Hallfreðsson á æfingu.
Ari Freyr Skúlason og Emil Hallfreðsson á æfingu. mbl.is/Eggert Jóhannesson

Emil Hallfreðsson rammaði inn það eina sem skiptir máli fyrir viðureign Íslands og Króatíu í Rostov annað kvöld á fréttamannafundi landsliðsins í Kabardinka í gærmorgun.

Emil var þá spurður út í hvaða augum hann myndi líta útkomu Íslands í heimsmeistarakeppninni í knattspyrnu í Rússlandi, ef íslenska liðið væri úr leik að riðlakeppninni lokinni.

Hann svaraði því til að þessarar spurningar mætti mögulega spyrja síðar. Íslenska liðið væri ekkert á heimleið, það myndi sigra Króatíu og Argentína myndi vinna Nígeríu 1:0.

Þessi þrautreyndi miðjumaður, sem þurfti að horfa á Nígeríuleikinn af varamannabekknum eftir að hafa átt stórleik gegn Argentínu, endurspeglaði þarna væntanlega viðhorf íslenska liðsins í heild sinni, enda er þetta eina leiðin til að nálgast verkefnið sem við blasir í Rostov-na-Donu, eða Rostov við Don eins og borgin heitir fullu nafni.

Þangað kom íslenska liðið síðdegis í gær með flugi frá Gelendzhik og í dag æfir það á hinum splunkunýja Rostov Arena, sem jafnframt er nýr heimavöllur Ragnars Sigurðssonar, Björns Bergmanns Sigurðarsonar og Sverris Inga Ingasonar. Þeir leika sem kunnugt er með liði Rostov í rússnesku úrvalsdeildinni.

Sjá greinina í heild sinni og umfjöllun um HM í Rússlandi í íþróttablaði Morgunblaðsins í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Fleira áhugavert