Sigvaldi mætir gömlu félögunum í Meistaradeildinni
Setja bókamerki
Sigvaldi Björn Guðjónsson landsliðsmaður í handknattleik mun mæta sínum gömlu félögum í norska meistaraliðinu Elverum í Meistaradeild Evrópu á komandi vetri.
Kielce, pólsku meistararnir sem Sigvaldi og Selfyssingurinn Haukur Þrastarson eru gengnir til liðs við, verða í A-riðli Meistaradeildarinnar, og Elverum dróst í sama riðl. Þar verða einnig Stefán Rafn Sigurmannsson og samherjar hans í ungverska liðinu Pick Szeged.
Hin fimm liðin í A-riðli eru Vardar Skopje frá Norður-Makedóníu, París SG frá Frakklandi, Flensburg frá Þýskalandi, Porto frá Portúgal og Meshkov Brest frá Hvíta-Rússlandi. Þeir Sigvaldi og Haukur eiga því fyrir höndum fjórtán hörkuleiki í riðlakeppninni næsta vetur.
Aron Pálmarsson og samherjar í Barcelona eru í B-riðlinum en þar verður eini íslenski andstæðingurinn aðstoðarþjálfari Aalborg frá Danmörku, Arnór Atlason. Auk þessara liða eru í riðlinum Kiel frá Þýskalandi, Veszprém frá Ungverjalandi, Nantes frá Frakklandi, Motor Zaporzhye frá Úkraínu, Celje Lasko frá Slóveníu og Zagreb frá Króatíu.
Fyrsta leikhelgin í Meistaradeildinni verður 16.-17. september og riðlakeppninni á að ljúka í mars 2021.
Aukin tíðni þungunarrofa hjá yngsta aldurshópnum
Markaðurinn hitnar og leiguverð hækkar hratt
Starfsfólk gæti fengið reikning frá Skattinum
Mikil skjálftavirkni á landinu áhyggjuefni
Fjárfestingin 115 milljarðar króna
Myndskeið: Braut rúðurnar og rölti svo í burtu
Stóraukið fé til samgöngusáttmála
„Það er skiljanlegt að þolinmæði þeirra sé lítil“